Tum tum - TUM Tum - TUM Tum

La comunicaziun é na pulsaziun

La comunicaziun é sciöche n puls, sc’ara é stleta se röiera, sc’ara é buna virera. Por chësc la fajunse bate por mirit de output che fej faziun y che tol dagnora ite deplü soluziuns. Al nes sá bel da moscedé la cultura cun le comerz, la creativité cun la strategia, i cherdun te n spirit de colaboraziun. I budget é dagnora sot control y le talënt multidisciplinar de nosc grup de laur nes lascia pro da joré sura les Dolomites fora y da ti ciaré al infiní.

Faq the Puls

Te nosc ciamp vëgnel dant gonot domandes a chëres ch’an ne sá nia dagnora da i dé la dërta resposta. Ci che vëgn dant chiló dessot é ma gnü scrit adöm por daidé nüsc comitënc da sëgn y chi dl dagní.

Co fejon pa da ciafé na soluziun por i problems de marketing mix?

Al basta baraté fora les 4P – produt, prisc, punt de venüda, promoziun – cun d’atres parores: palsé, relax, mangé bun, trá bel le fle.

Co fejon pa da ti dé na posiziun nöia a n hotel restorant?

Sce la ciasadafüch é buna, spo podunse nen baié.

Co pón pa realisé na comunicaziun aziendala sana?

I dun chësc consëi: na dieta ecuilibrada cun de bunes idees, de bunes intenziuns y dantadöt de bugn budget.

Co fejon pa da lascé da fomé?

Jí sön Sas dla Crusc trëi iadi al de.

Brand identity y brand image, co fejon pa da ciafé na soluziun dla crisa d’identité?

Degun problem, i un studié tla Freud University.

B2B o B2C?

2 be or not 2 be, that is the question.

Co fejon pa da fá conësce n polver da lavé nü?

Che le sá mo, nos lavun le guant ma a man cun jafa biologica de stëres de munt.

Co fejon pa da adoré i social media?

Chi é üsc afars, a nos nes interessëiel deplü le sozial co le “social”.

Co pón pa afronté l’outsourcing?

Canch’i messun jí fora cherdunse la möta da mituns.

Co fejon pa da fá crësce l’aziënda?

Bagné dal florí de sorëdl, dan l’aperitif.

Fajëise chertes da vijita?

Madër sce tl’intestaziun podunse scrí Dot., Raj. Cav.

I sëis n stüde de comunicaziun, i fajëis i grafics spo, stimenëira?

Falé.

Tirëise fora idees jeniales ince sce le budget é pice?

No.

I cosć de stampa y produziun alda pro le prisc de osc laur?

No.

Co fejon pa da arjunje le target?

Cun picl, grifs y datrai l’imbraiadöra.

Sëise a desposiziun ince da sëra, la sabeda y la domënia?

Sce, sambëgn, por n aperitif, na bira, na spazirada o n rait cun i schi.

Fajëise na reduziun a chi che paia a fosch?

Sce, basta madër che nosc jorman finanzer ne vëgnes nia alsavëi.

Tratan les sentades pitëise ince le café zënza cafeina?

Cört o lunch, cun o zënza lat, zücher ma de ciana y la coreziun cun l’ega de vita vá sön le cunt dl cliënt.

Atifs da plü co diesc agn

Indô n'atra newsletter, bëgn: propi insciö. Mo i aratun che partí sides la miú manira por avëi na vijiun: de ci ch'i fajun, de ci che os podesses fá deboriada cun nos. Keep'n touch!

Tü dac personai gnará personai gnará tuc por manajé tüa domanda y ativé n sorvisc informatif. Ai ne gnará te degun cajo passá a porsones terzes do y adorá tl respet dla normativa varënta (GDPR 679/2016, Codice della privacy 2003). Titolar dl tratamënt é Michael Moling Str. Gran Ega, 4 BZ - Italia hi@studiopuls.it. Li döta nosta privacy policy.
Oste ester le proscimo?

I sun dagnora tl laur da chirí cliënc plëgns de pasciun y convinziun, positifs, daverc y coriusc y che ó svilupé proiec de comunicaziun cun entusiasm y originalité.

Pulsëia cun nos