Lauré cun nos, döt n'atra storia
Ci ó pa dí fá proiec, dessigné, impaginé, scrí, comuniché te n stüde ch’é amesa les Dolomites? Al ó dí che l’aria é miú, le stress mënder y che i lersc, ciers y pecios te fej ciau tratan le tëmp lëde. Nia mal, no?
Ci fetri pinsiers
Un pënsa ala metropola, ala dimenjiun dla cité, ala vita frenetica, al’esperiënza de vita, al suzes, ala cariera y spo te n iade él madër amesa le cajin ite, amesa le smog, zënza mai n menüt a desposiziun, stlüt daite te palestra a d’assuié, en fila por n pice pan, y i ne baiun ma nia dles plazes dai auti o dles ores de gran trafich, canche ince la metro o le bus é straplëgns y d’isté él massa cialt y d’invern le frëit é töme y spo se damanel emo ciodí me ai pa cacé ite chiló??
N’alternativa che vel
Emo, ciodí pa? I sun amesa la Val Badia, te n’ora y mesa éson a Balsan, cité olache döt vá debota. Insciö é Aunejia, Verona, Bologna, Milan, München y Desproch propi daimpró. Y spo cun i trus da jí a pe, i jus da arpizé cun la roda, les pistes da jí cun i schi d’invern, les niores che se spaza tl cil y les Dolomites che s’intënj de rosa da sëra s’la godunse bel assá. Sc’i dijun gonot “ci bel!” él bëgn da capí ciodí, no pa?
UX/UI & Graphic designer Laur a tëmp plëgn o part-time, (m, f, d) a San Martin de Tor
Descriziun aziendala
La comunicaziun é na batöda: sc’ara é stleta se röiera, sc’ara é bona virera y pulsëia inant. Por comuniché cun faziun y te na manira originala ól ester idees tleres y savëi da les fá rondení: nos de Studio Puls daidun da svilupé idees, da les sistemé y da les fá recordé por tres.
Chësc é ci che nos fajun, acompagnan n brand olache te n’esses mai ponsé. Dilan a n prozes de analisa y ideaziun che combinëia strategia y creativité y che se basëia sön n’esperiënza de plü co diesc agn.
Nosc team é metü adöm da designer che pulsëia por l’estetica, por le lifestyle, che á la pasciun da ti dé forma a n proiet te düc sü touch points.
Nosta sodesfaziun plü gran é da odëi le suzes de n brand, früt de nosta comunicaziun strategica.
Tü compic
I chiriun n espert UX/UI & Graphic designer – cun n gran entusiasm por prototips, flusc de utënc y animaziuns, che partësc nosta pasciun y che pois pulsé ala perfeziun te nosc team.
Te sostignaras nüsc programadus tl svilup di proiec desvalis (dal’idea ala realisaziun).
Te colaboraras cun le team de branding y te acompagnaras i cliënc autonomamënter.
Te sviluparas soluziuns de brand design sofisticades y uniches tl ambit digital y t’aras la supervijiun dl’implementaziun, deboriada cun le team.
Te presentaras tües idees al team por talian o todësch.
Cualifiches
Titul de stüde de design y, te n caje otimal, n’esperiënza profescionala tl corporate design. Dër na bona conescënza di programs dla Adobe Creative Suite y di prozesc UX y UI.
T’as n istint creatif sterch y n portfolio che le desmostra.
Na bona capazité da realisé Brand Identities te na manira creativa y integrativa. Capazité de problem solving.
Capazité da lauré te n grup, assertivité, flessibilité y resiliënza, atenziun por i detais y gust estetich.
Manira analitica y strotorada da afronté les cosses.
I aprijun
Esperiënza de leadership y mentoring te n team de proietaziun multidisciplinar. Afinité cun moda y lifestyle.
La vijiun da mené n sistem de proietaziun multi-produt.
Impëgn da imparé tres danü y inant.
Capazités ezelëntes da comuniché y da lauré deboriada cun n mix de designer, brand strategists y dirijënc.
I ofriun
L’oportunité da plasmé y svilupé i produc aziendai.
N ambiënt de laur inclusif.
Poscibilité de cariera.
Aprendimënt y svilup.
Revijiun anuala dla retribuziun.
Feries anuales.
Nosta ciasadafüch y mascin dal café.
Informaziuns lapró
Post de laur: San Martin de Tor (BZ)
I sun tl zënter dl monn y dlungia nos él: Desproch (2 ores) – Aunejia (3 ores) – Verona (3 ores) – Minca (3,5 ores) – Milan (4,5 ores).
I un ince orars de laur flessibli, la poscibilité da lauré en pert da dalunc, n urt por i meetings, mo dantadöt pitunse:
proiec interessanc y desvalis,
programs de svilup personalisá,
n clima de laur familiar.
Oste pulsé cun nos? Desmostrel. Mëna tüa candidatöra don dant tües aspetatives de davagn y la pröma data da podëi mëte man a you@studiopuls.it
Sce t’as domandes no pisimé da nes cherdé sö al +39 0474 523 183.
I n’odun nia l’ora da te conësce!
Ví ma!
Sce t’as intenziun da gní a odëi sciöch’ara vá, ví a nes ciafé. Lauré chiló pó deventé na bela gran sorpresa. Mo denant respogn a nostes domandes. Bëgngnü.