N iade che abracia passé y presënt

Ostí Vedl, l'umilté sciöche strategia che davagna

Te n monn frenetich, olache le turism zënza mosöra dominëia, ti á Martin cun gran coraje indô dé vita nöia a Ostí Vedl, na ciasa da paur antica, dl 16. secul, che al á trasformé te n post de ospitalité autentica. La strategia de branding, s’á conzentré sön le pité n’esperiënza sinziera, respeté les tradiziuns locales y alzé fora la belëza dla strotöra, n iuvel di tëmps passá, che ne n’é mai gnüs desmentiá. Le compit prinzipal ê chël da trasmëte la scemplité de chësc post y ti dé ai ghesć la poscibilité da aprijé l’eredité culturala. Ostí Vedl é n ejëmpl de umilté y modestia, n post olache i ghesć pó se gode n iade, che combinëia passé y presënt.

N’esperiënza zënza tëmp

La comunicaziun é n inn al’autentizité

Ostí Vedl é n post magich, olache autentizité y nostalgia se moscëda te n’esperiënza zënza tëmp. La brand identity mët n azënt sön l’umilté y la scemplité dl post, deperpo che la comunicaziun é n inn al’autentizité y al’umilté. Le lus é chiló tla belëza zënza zirachi, tl’ospitalité autentica y tl cialt de na familia che tëgn sö les tradiziuns. Ostí Vedl é n’opera d’ert unica, olache umilté y essënza se moscëda te na magia, che ara nen vá da aprijé y da festejé.

N omaje al passé

L'inom Ostí Vedl

L’inom Ostí Vedl é n omaje al passé y a sües raisc sotes. Mantignon chësc inom, che dal 16. secul inant vëgn dant tles croniches dl paisc da Lungiarü, án orü mantigní so valur cultural. Les ciamenes, dedicades ai mëmbri dla familia, cunta stories afascinantes, che é inraijades tla storia dla ciasa da paur. Vigni local rapresentëia na pert de vita y recordanzes vies de n passé prezius.

N liam sterch cun les tradiziuns

Le logo, na tiza de emoziuns

Le logo de Ostí Vedl descëda na nostalgia sota y emoziuns intensives y recorda n liam sterch cun les tradiziuns da munt. Le monogram a forma de flama tremorënta de na ciandëra é cialt y abracënt y incorporëia l’anima via de na vita scëmpla y autentica. Chësc logo slizinëia de emoziuns y recorda n tëmp passé olache l’essënza de na vita autentica y umila se moscedâ cun la grandëza dles munts. Al inviëia da fá n’esperiënza che impormët afet y reconescënza.

N invit a descurí l'anima de Ostí Vedl

La visual identity cunta stories dal passé

La visual identity de Ostí Vedl abina l’essënza unica dl post cun corusc cialc y abracënc, che trasmët na sensaziun de intimité y portignënza. Le font, cherié defin danü, por rapresenté la scemplité y l’umilté dla ciasa da paur, cunta stories dal passé y cheriëia na conejiun sota cun l’eredité culturala de Ostí Vedl. Retrac autentics cunta de momënc de belëza naturala y condüj i ghesć sön n iade tles Dolomites, te na trancuilité y autentizité de na ciasa da paur. La visual identity atirënta inviëia da descurí l’anima de Ostí Vedl y lascia do pro vignun che á le privilegh da vire chëstes morvëies, n’impresciun da nia desmentié.

N’esperiënza nostalgica

Le Web Design de Ostí Vedl

Le web design de Ostí Vedl atirëia y tol para, y abina l’essënza autentica y afascinanta dl post. Le compit prinzipal ê chël da trasmëte la scemplité y la umilté dla ciasa da paur. Cun elemënc visuai atratifs é la navigaziun fluida y intuitiva y trasmët l’atmosfera magica de Ostí Vedl. Fotografies vintage, plënes de belëza autentica, cunta cun pasciun dla storia y dles tradiziuns dla ciasa da paur y descëda a vita nöia emoziuns y recordanzes desmentiades. Le sit internet pita n’esperiënza emozionala y nostalgica y descëda la ligrëza por les pices cosses prezioses dla vita, deperpo che le vijitadú vëgn indlunch invié da se lascé ite tl passé y da festejé la magia de Ostí Vedl.

Na morvëia zënza fin

Brand Support

Vigni elemënt dla visual identity é gnü realisé cun pasciun y savëi artejanal. Les mans intopëntes de Martin á snizlé vigni detai tl lignan cialt, intratan che le logo é gnü cují cun gran cura sön plomac y pezes, por cherié n’atmosfera inviënta y arjigné ca n bun sonn. Articui da bagn individuai trasmët le tof dles munts. Studio Puls sostëgn Martin y so coraje y se assigurëia che Ostí Vedl mantëgnes inant so splendur antich y descëdes na morvëia zënza fin.

Sce nosta manira da fá te plej y t’os nes contaté, sunse chiló:

Pulsëia cun nos

Proscim proiet German Bottle Shop